Man Cave დიზაინი

რა არის MAN CAVE და როგორ შეგიძლიათ მოაწყოთ ის?

მარტივად რომ ვთქვათ, Man Cave (ასევე ცნობილია როგორც “man room – კაცის ოთახი”) არის ნებისმიერი სივრცე, რომელიც შექმნილია იმისათვის, რომ დააკმაყოფილოს მამაკაცების სურვილი დასვენებისა და სიამოვნებისთვის.

ეს სივრცე შეიძლება იყოს სახლის ნებისმიერ ნაწილში. თუმცა, ზოგიერთი სივრცე მის მოსაწყობად უკეთესი და ადვილი გამოსაყენებელია, ვიდრე სხვები. ერთ-ერთი ასეთი ადგილია სარდაფი და ავტოფარეხი.

როგორც უკვე ვახსენეთ, Man Cave-ის მთავარი მიზანი თქვენთვის კომფორტული და სტრესისგან თავისუფალი გარემოს უზრუნველყოფაა. მსგავსი გარემოს ეფექტურად მოწყობისთვის არსებობს საკითხები, რომლებიც აუცილებლად უნდა გაითვალისწინოთ.

დარწმუნდით, რომ ყველაფერი, რასაც ოთახში დაამატებთ, კარგად არის კოორდინირებული და გააზრებული. გაითვალისწინეთ, რომ დიზაინის ეს მიმართულება ორიენტირებულია მშვიდი და ანტისტრესული გარემოს შესაქმნელად, შესაბამისად, სივრცის მოწყობისას, არ არის რეკომენდებული, რომ გქონდეთ შემთხვევითი ნივთები უმიზეზოდ. ცნობილია, რომ მსგავსი დეკორატიული ნივთები დასრულებულ სახეს სძენს ნებისმიერ სივრცეს, სინამდვილეში, ამის გაკეთება მხოლოდ ქაოსს იწვევს და არა სიმშვიდეს.

თქვენი გარემო, ისევე როგორც მათი ორგანიზება, დიდ გავლენას ახდენს თქვენსავე განწყობაზე და ფსიქიკურ ჯანმრთელობაზე. შეეცადეთ არ გამოიყენოთ ბევრი ყვითელი პირად ოთახში, რადგან შესაძლოა ეს ზედმეტად მასტიმულირებელი აღმოჩნდეს თქვენი ფსიქიკისთვის და გამოიწვიოს უფრო მეტი შფოთვა, ვიდრე მისგან თავისუფალი გარემო.

გამოიყენეთ უფრო გრილი, მშვიდი ფერები და ჩრდილები, როგორიცაა ლურჯი და ნაცრისფერი. თუ გსურთ უფრო ნათელი ფერები, როგორიცაა ნარინჯისფერი და ყვითელი, გააკეთეთ ეს შეზღუდული რაოდენობით.

რაც მთავარია, შეინარჩუნეთ სივრცის კომფორტულობა, გახსოვდეთ, როცა საქმე Man Cave-ს ეხება, კომფორტი წინ უსწრებს სტილს!