ბიოფილურ დიზაინს აქვს უნარი გაფილტროს ხმაური, განათება და უზრუნველყოს უფრო მსუბუქი კლიმატი, რაც ხელს უწყობს გუნდის პროდუქტიულობას და მეტად ოპტიმიზებულ სერვისებს.
ჩვენ შეგირჩიეთ უნიკალური პროექტები მსოფლიოს სხვადასხვა ქვეყნებიდან, სადაც ლანდშაფტის გამოყენების სხვადასხვა გზებია ნაჩვენები.
„გარე ოფისის“ შექმნის კონცეფციით, MIA Design Studio, Mr.Green’s Office-ის დიზაინის შექმნისას, სივრცის ავთენტურობაზე ბუნებრივი ელემენტების ლითონთან კონტრასტული გამოყენებით მუშაობდა. აღნიშნული მიდგომა ხელს უწყობს სინათლის რეგულირებას და მზის ჩასვლისას სხივების არეკლვების შემცირებას.
ბიოფილური ოფისის პირველ სართულზე განთავსებულია ღია სამუშაო ადგილი, რომლის ცენტრში აქცენტირებულია მცირე მწვანე ბაღი, სხვადასხვა სახეობის მცენარეებით, რომლებიც ხელს უწყობენ ნახშირორჟანგის შეწოვას გარემოდან და ქმნის გრილ მიკროკლიმატს. Andyrahman Architect-მა პროექტს დაამატა ბიოფილური არქიტექტურის კიდევ ერთი არსებითი ელემენტი: წყალი – რომელიც ამოტუმბვისას გამოსცემს დამამშვიდებელი ეფექტის ხმებს და ქმნის უფრო ბუნებრივ, სინესთეტიკურ ატმოსფეროს.
